وه‌زاره‌تی خه‌زێنه‌ی ئه‌مه‌ریکا دووشه‌مه، 4ی نوامبری 2019ی زاینی گه‌مارۆی خسته سه‌ر ڕێبه‌ری کۆماری ئیسلامی ئێران، ئایه‌تولا عه‌لی خامنه‌یی و چه‌ند کاربه‌ده‌ستی دیکه له بازنه‌ی سه‌رۆکایه‌تی ناوبراو دان. ئه‌و کاربه‌ده‌ستانه، که هه‌م به‌رپرسانی له‌شکری و هه‌م ڕاوێژکارانی کاره‌کانی ده‌ره‌وه ده‌گرنه‌وه، وه‌ک وزاره‌ته‌که جه‌ختی له سه‌ر ده‌کات بۆ ماوه‌ی ده‌یان ساڵان له سه‌رکووتکردنی خه‌ڵکی ئێراندا ده‌ستیان هه‌بووه.
کاک ئاگری ئیسماعیل نژاد، توێژێنه‌ری سیاسی، سه‌باره‌ت به گرنگی ئه‌و بڕیاره ده‌ڵێت، "ئه‌مه‌ریکا لانی که‌م تا ئه‌و کاته‌ی سوپای پاسدارانی خسته ناو لیستی تێرۆره‌وه هه‌میشه باسی ئه‌وه‌ی ده‌کرد که ئێران پشتگیری له تێرۆر ده‌کات، به‌ڵام ئێستا مه‌وزووعه‌که‌ی گۆڕێوه به ئه‌وه که ئێران ده‌ستی له تێرۆردایه."
