سەرهەڵدانی پەتای کۆڕۆنا بە گشتی لە سەر لایەنەکانی ژیانی مرۆڤایەتی کارتێکردنی هەبوو. لە پرۆگرامی ئەم حەوتوویەی "ڕوانگەدا" دوکتور مەجید حەقی شی دەکاتەوە، ئاساییە کە مرۆڤ لە ڕەوتی چوونە پێش و گەشەکردن دا لە گەڵ پێشهاتی وەک بڵاوبوونەوەی کۆڕۆنا رووبەڕوو بێت.
هەروەها دەڵیت، لە هەمان کاتدا کە کوڕۆنا بە تایبەت زیانی گیانی زۆری بە مرۆڤایەتی گەیاند، بەلام دەرفەتێکە بۆ ئەوەی کۆمەڵگاکان بەرەو ڕێکخستنێکی دووبارە بچنە پێش.
بەڕیز حەقی پێی وایە مرۆڤ بە بەکارهێنانی سەرچاوەکان، تێکنولۆژی و هەست بە بەرپرسایەتی کردن دەتوانێت ئەو ڕێکخستنەوەیە بە باشی بباتە پێش.
ئەو جەخت دەکاتە کە وێرای ئەوەی کۆڕۆنا ئاستەنگێکە لە بەر دەم مرۆڤ بەڵام دەرفتێکی دێکە بۆ دووبارە بیرکردنەوە و داڕشتنی داهاتوێکی نوێترە، چونکە جیهانی دوای کوڕۆنا جیهانێکی جیاواز دەبێت.
