گرژییەکانی نێوان واشنتن و تاران هەتا دێت ئاڵۆزتر دەبن لەو کاتەوەی سەرۆکی ئەمەریکا دانۆڵد ترامپ لە ڕێککەوتنی ناوکی ساڵی 2015 کشایەوە.
لە هەفتەی ڕابردوو ئەمەریکا بۆ ڕێگریکردن لە هەڕەشەکانی ئێران هێزی سەربازی خۆی لە ڕۆژهەڵاتی ناوەڕاست زیاد کرد.
ڕاوێژکاری ئاسایشی نشتیمانی جۆن بۆڵتن دەڵێت جموجۆڵە لەشکرییەکانی ئەمەریکا پەیامێکە کە دەدرێت بە ئێران " هێرشێک بۆ سەر بەرژەوەندییەکانی ئەمەریکا وەڵامێکی توندی لێدەکەوێتەوە."
دکتۆر مەجید حەقی چالاکوانی سیاسی ئێران لە وتووێژێکدا لەگەڵ بەرنامەی تیرێژی دەنگی ئەمەریکا باسی لە ئاڵۆزییەکانی ئەم دواییانە کرد و گوتی " پێم وانییە لە هەلو مەرجی ئێستادا شەڕێک ڕووبدات بەڵام ئەمە فشارێکە بۆ کەمکردنەوەی مەترسییەکانی ئێران."
