رێکخراوی مافی مرۆڤ هەنگاو دەڵێت کردارەکانی کۆماری ئیسلامی لە سەر پێکهاتەی زەبر و زەنگ، لێدان، هەڕەشە و کوشتن دامەزراون و ئەم کردەوەیە پێ شێلکردنی جارنامەی جیهانی مافەکانی مرۆڤە.
بە گوێرەی ڕێکخراوی مافی مرۆڤ هەنگاو، حەوتووی ڕابردوو فەرمانبەرانی شارەوانی ناوچەی ٣ی کرماشان بۆ ڕووخاندنی خانووبەرەیەک کە بە پێی ئیدعای ئەوان مۆڵەتی یاسایی نەبووە لە کاتی ئەنجام دانی ئەو دەستوورەدا لە گەڵ ناڕەزایەتی و بەرگری ئەندامانی بنەماڵەکە ڕووبەروو دەبن.
لە وتووێژێک لە گەڵ دەنگی ئەمەریکا، دیاکۆ مورادی لە ڕێکخراوی هەنگاو، دەڵیت ئەو فەرمانبەرانە دەست بە لێدان و کووتانی ئەو ئەندامانە دەکەن و تەنانەت لە ئیسپرەی بیبار کەڵک وەردەگرن کە لە ئەنجامی ئەو کردەوەیە دا، خانمی بنەمالەکە، ئاسیە پەناهی، دایکی حەوت منداڵان لە دۆخێکی خراپ دا ڕەوانەی نەخۆشخانە دەکرێت، بەڵام پاش ماوەیەکی کورت گیانی لە دەست دەدات.
