له کۆبوونه‌وه‌ی ئه‌نجومه‌نی مافه‌کانی مرۆڤی نه‌ته‌وه‌یه‌کگرتوه‌کان ئه‌مڕۆ هه‌ینی 27ی مارس بڕیاری درێژکردنه‌وه‌ی ئه‌رکی دوکتور ئه‌حمه‌د شه‌هید وه‌ک نوێنه‌ری تایبه‌تی بۆ لیکۆڵینه‌وه له سه‌ر کارنامه‌ی مافه‌کانی مرۆڤ له کۆماری ئیسلامی ئێران درێژ کرایه‌وه.
کاک ته‌یمور ئه‌لیاسی نوێنه‌ری کۆمه‌ڵی مافه‌کانی مرۆڤی کوردستانی ئێران بۆ نه‌ته‌وه‌یه‌کگرتوه‌کان له ژنێڤ ده‌ڵێت سه‌ره‌ڕای هه‌وڵی کۆماری ئیسلامی بۆ ئه‌وه‌ی ئه‌رکی ئه‌حمه‌د شه‌هید درێژه‌ی پێ نه‌درێت، به‌ڵام له 49 ئه‌ندامی ئه‌نجومه‌نه‌که 20 وڵات ده‌نگی ئه‌ری 11 وڵات ده‌نگی نه‌رێ و 16 وڵاتیش له ده‌نگدان دا به‌شداریان نه‌کرد.
