هه‌روه‌ک له ڕاگه‌یاندراوه‌که‌ی ده‌فته‌ری سیاسی حیزبی دیمۆکڕاتی کوردستانی ئێراندا هاتبوو " تیمێک لە پێشمەرگەکانی حیزب کە بە مەبەستی ئەنجامدانی ئەرکە تەشکیلاتی و تەبلیغاتییەکان لە ناوچەی شنۆ و لە ئاوایی قەرەسەقەڵ بوون، نیوەڕۆی ڕۆژی چوارشەممە ڕێکەوتی ٢٦ی جۆزەردانی ١٣٩٥ی هەتاوی بەرانبەر بە ١٥ی ژوئەنی ٢٠١٦ی زایینی، کەوتنە بەر گەمارۆ و هێرشی هێزێکی زۆر و تەیار بە هەموو جۆرە چەکێکی ڕێژیم."
له ئه‌نجامی ئه‌و شه‌ڕه 6 پێشمه‌رگه گیانیان به‌خت کرد و ژماره‌یه‌ک له هێزه‌کانی ڕژیم کوژران.
پاش ئه‌م ڕووداوه، وه‌ک وێده‌چێت هاوسۆزی و هاوخه‌مێکی زۆر له نێو پارته‌کانی سیاسی کوردستانی ئێران دا ده‌بینرێت و چه‌ندین ته‌وره بوونه‌ته جێگای تا و تۆ کردن:
_مه‌سه‌له‌ی گرنگی دان به چالاکی سیاسی و چه‌کداری له کوردستانی ئێران
_نه‌خشی حکومه‌تی هه‌ریمی کوردستان له ئه‌م قۆناخه‌دا
_کاریگه‌ر بوون یان نه‌بوونی ڕێکخراوه‌کانی سه‌رانسه‌ری ئێران
جه‌عفه‌ر حامیدی:
"بۆ ئه‌و خه‌باته چه‌کداری یه له کوردستانی باکوور هه‌یه، بۆ له کوردستانی ڕۆژئاوا هه‌یه، بۆ ئێستاش به شێوه‌ی خۆی له کوردستانی باشوور هه‌یه، بۆ له کوردستانی ڕۆژهه‌ڵات نه‌بێت؟"
دوکتور ئاوات عه‌لیار:
"حکومه‌تی هه‌ریم ناتوانێت ببێت به پولیسی ئێران و له هه‌مان حاڵیشدا، ناتوانێت ببێت به پشتیوانێکی زۆر گه‌وره بۆ ڕۆژهه‌ڵاتی کوردستان."
