کۆماری ئیسلامی هەر لە دوای هاتنە سەر کاری هەوڵی داوە خەڵکی کرماشان کە زۆربەی پەیرەوی ئاینی شێعەن سەرمایە گوزاری لە سەر ئەوان بکات و مەسەلەی نەتەوایەتی لە نێو ئەوان دا کەم ڕەنگ بکاتەوە. بە تایبەتی کە کرماشان وەک ناوەندی سەرهەلدانی کورد و پەرەپێدان بە فەرهەنگ و زمانی کوردی بووە و لە ئەم بوارانەدا نەخشێکی گرنگی گێراوە.
ئەردەڵان بێهرووزی چالاکی سیاسی لە ئەم وتووێژەی لە گەڵ دەنگی ئەمەریکادالە درێژەی گوتەکانی دا ئاماژە دەکات کە لە بەشێکی بچووکی ئوستانی کرماشان کە وەهابیگەری پەرەی سەندووە کۆماری ئیسلامی هەوڵ دەدات بۆ گەیشتن بە مەبەستی خۆی کەڵکی لێوەربگرێت. سەردەمی ئەلقاعیدە و داعش و ئەنسار ئەل ئیسلام یارمەتی بە پەرەسەندنی هزری وەهابی گەری کردووە.
ئەو شی دەکاتەوە کە ئەم ڕەوتە لە بەرامبەر خواستی گەنجان بۆتە لەمپەرێک چونکە زۆربەی خەڵک بە پیچەوانەی ئەو ڕەوتە بیر دەکەنەوە، بەڵام کۆماری ئیسلامی لە پشت ئەو ڕەوتەی توندرەوی ئیسلامی یە.
بێهرووزی پێدادەگرێت کە زۆر گرنگە پێش بە ئەو بیرۆکەیە بگرترێت چون قوربانیەکە خۆدی خەڵک دەبێت و ناوچەکە بەرەو دواوە دەبات و بە تایبەت رەوشەنگەری لە لایەن کسانێکەوە بکرێت کە لە نێو خەڵک دا کەسایەتیان هەیە.
