پـرۆسەی دەنگدادن بۆ هەڵبژاردنەکانی پەرلەمانی عێراق لە دەرەوەی وڵات ئەمڕۆ پـێنجشەممە بەڕێوەدەچێت لە چەندان شار لە سەرانسەری جیهان، هەر لە ئوسترالیاوە هەتا ویلایەتە یەکگرتووەکانی ئەمەریکا و کەندا.
یەک لەو بنکانەی پـرۆسەی دەنگدانەی لێ بەڕێوەدەچێت لە ناوچەی تایسن کۆرنەری ویلایەتی ڤێرجینیایە کە لە نزیک واشنتنی پایتەختە. دەخیلی شەممۆ لە بەشی کوردی دەنگی ئەمەریکا لەو بنکەیەوە ڕاستەخۆ ڕاپـۆرتێکی لە بارەی چۆنیەتی بەڕێوەچوونی پـرۆسەکە پـێشکەشکرد.
