دوابەدوای ڕێکەوتنی سەرەتایی لیستەکەی موقتەدا ئەلسەدر (ثائیرون) و لیستەکەی هادی عامری (فەتح) قسە و باسی زۆری بە دوای خۆیدا هێناوە و پـێدەچێت ئەگەر سەدر لە بەرنامەی لیستەکەی لابدات، ئەوا ئەو حزب و کەسایەتیانەی هاوپەیمانێتیان لەگەڵدا کردووە بچنە دەرەوە.
لەم بارەیەوە فاروق بابان وەک شیکەرەوەیەکی سیاسی لە بەغدا، لای وایە ئەوە ڕوودەدات ئەگەر بێت و سەدر پاشگەزببێتەوە لە بەرنامەکانی کاتی بانگەشەی هەڵبژاردنەکە ڕایگەیاندبوون.
