جەنەڕاڵ جان ئەڵن ڕاسپـێردراوی تایبەتی واشنتن بۆ هاوپەیمانێتی بە ڕێبەرایەتی ویلایەتە یەکگرتووەکان دژی داعش دەڵێت کاتی زیاتر پـێوست دەبێت بۆ شـکستهێنان بە ئایدیۆلۆجیەتی تێرۆرستی داعش لە عێراق و سوریا. هەروەها ئەو کۆمەڵەیەی بە هەڕەشەیەکی جیهانی ناوبرد.
شیروان شەمیرانی، لێکۆڵەری سیاسی خۆرهەڵاتی ناوەڕاست لەم بارەیەوە بۆ بەشی کوردی دەنگی ئەمەریکا گوتی بەو ستراتیژیـیەی ئێسـتای ئەمەریکا داعش لە ناوناچێت، چونکە لە ڕێگەی بەکارهێنانی هێزی سەربازی بیروبۆچون و ئایدیۆلۆجیا لە ناوناچن.
