فەرماندەی هێزی ئاسمانی عێراق دەڵێت ماوەی ساڵێـکە هەفتانە دوو بۆ سێ جار شوێنەکانی داعش لە شاری تەلەعفەر بۆردومانکراون، بەڵام لە ئێستادا بەهۆی نزیکبوونەوەی دەسـتپـێکردنی ئۆپەراسیۆنی ڕزگارکردنی شارەکە بۆردومانەکان زیاترکراون.
فەریق ئەنوەر حەمە ئەمین لە وتووێژێـکدا لەگەڵ یەحیا بەرزنجی لە بەشی کوردی دەنگی ئەمەریکا گوتیشی بۆردومانی فڕۆکەکان لەسەر بنچینەی زانیاری دەزگا هەواڵگریـیەکان ئەنجامدەدرێن.
هەروەها گوتی ئامانجی سەرەکی ئەوان لەم بۆردومانانە، ئاسانکاریکردنە بۆ هێزە زەمینیـیەکان لەو دەمەی دەچنە ناو شارەکەوە.
