عادل نوری ئەندامی پەرلەمانی عێراق لەسەر لیستی یەکگرتووی ئیسلامی دەڵێت ئەحمەد چەلەبی بڕیاری دابوو کۆمەڵێـک دۆسێی گەندەڵی زۆر ترسناک ئاشکرابکات، بۆیە گومانی لە مردنەکەی هەیە و لەو بڕوایەدایە تێرۆرکرابێت.
عادل نوری کە ئەندامی کۆمیتەی دەستپاکیشە لە پەرلەمان لە درێژەی وتووێژەکەیدا لەگەڵ حەیدەر کەریم لە بەشی کوردی دەنگی ئەمەریکا گوتیشی ئەو کە ماوەی سـاڵێـک و نیوە لەو کۆمیتەیە دەسـتبەکاربووە دۆسێـی گەندەڵی زۆر ترسناکی بینیوە، لەوانە نزیکەی 500 ملیۆن دۆلار دەستێوەردانی پـێوەکراوە و نزیکەی 360 ملیار دۆلاری هەر بە هەدر دراوە و ئەوی تریشی بە بۆندی ناقانونی گەندەڵی تیاداکراوە.
