سەرۆک وەزیری عێراق محەمەد شیاع سودانی سەبارەت بە هێرشەکانی سەر هەولێری پایتەختی هەرێمی کوردستان وتی " بۆردومانکردنی هەولێر کارێکی دوژمنکارانەیە کە پەیوەندییە بەهێزەکەنی نێوان عێراق و ئێران دەخاتە مەترسییەوە."
سودانی لە پەراوێزی کۆڕبەندی ئابووری جیهانی لە داڤۆسی سویسرا، لە چاوپێککەوتنێکدا لەگەڵ دەزگای بلوومبێرگدا وتی " هێرشە ئاسمانییەکەی ئێران بۆ سەر هەولێر بە ئاشکرا کارێکی دوژمنکارانەیە دژی عێراق کە ناوچەیەکی دانیشتوانی کردە ئامانج، قوربانییەکانیش خێزانێکی کوردی عێراقی بوون، منداڵیشییان تێدا بووە."
وتیشی " ئەم کارە بە دڵنیاییەوە پەرەسەندنێکی مەترسیدارە کە پەیوەندییە بەهێزەکەی نێوان عێراق و ئێران دەخاتە مەترسییەوە، حکومەتی عێراقیش مافی خۆیەتی لەسەر بنەمای سەروەری نیشتیمانی ڕێوشوێنی دیبلۆماتی و یاسایی گونجاو بگرێتەبەر."
سودانی: بۆردومانکردنی هەولێر کارێکی دوژمنکارانەیە و پەیوەندییە بەهێزەکەی نێوان عێراق و ئێران دەخاتە مەترسییەوە
![سەرۆک وەزیری عێراق محەمەد شیاع سودانی](https://gdb.voanews.com/5c1027c5-a700-4a9a-8632-438ca3b233a5_w250_r1_s.jpg)