بە گوێرەی رۆژنامەی ئورشەلیم پۆست ١١ی مانگی هەشتی ٢٠٢١ی زاینی، وەزارەتی دەرەوەی ئیسرایل دەستنیشانکردنی وەزیرێکی نوێی نێوخۆیی ئێران، ئەحمەد وەحیدی مەحکوم دەکات کە گۆیا لە تەقاندنەوەی ناوەندێکی جوولەکەکان لە ساڵی ١٩٩٤ دا دەستی هەبووە کە تێیدا ٨٥ کەس کوژران.
لە وتووێژێک لە گەڵ دەنگی ئەمەریکادا، تەها حەسەنیانی، ئەندامی میدیای کەمینەکانی نەتەوەیی لە کانادا دەڵێت، ئەو کاربەدەستەی کۆماری ئیسلامی هەر پێشتر وەک گومانبار ناسراوە و ، "لە بەر ئەوەی وەحیدی لە تەقاندنەوەی بۆمبدانانەوەی ئارژانتین دا دەستی هەبووە و فەرماندەی سپای قودس بووە کە باسکی دەرەوەی سپای پاسدارانی ئێرانە و لە هەموو کردارەکانی تێرۆرستی کۆماری ئیسلامی لە دەرەوەی وڵات دا دەستی هەبووە."
حەسەنیانی دەڵێت، نەک تەنیا وەحیدی بەڵکوو کاربەدەستانی دیکەی کۆماری ئیسلامی وەک عەلی فەلاحیان، موحسێن رەزایی و چەند کاربەدەستی دیکەش لە ئەو رووداوەدا دەستیان هەبووە و لە لایەن پولیسی نێونەتەوەییەوە فەرمانی دەستگیرکردنیان بۆ دەرچووە، بەڵام وەحیدی تا ئێستا سەردانی دەرەوەی وڵاتی نەکردووە.
