حه‌یده‌ر که‌ریم له به‌رنامه‌ی کورد له تاراوگه داوای له چه‌ند که‌سایه‌تیـیه‌کی کوردی سیاسه‌تکار و ڕۆژنامه‌وان و هه‌نه‌رمه‌ند له تاراوگه کردووه ڕاو بۆچوونی خۆیان له‌سه‌ر ڕووداوه‌کانی ساڵی ڕابردووی 2011 ده‌ربڕن. هه‌روه‌هاش پێشبینیـیان چیـیه بۆ ئه‌مساڵی 2012.
جا ئه‌م به‌ڕێزانه به تێبینی و بۆچوونی خۆیان به‌شدارییا‌ن له‌م به‌رنامه‌یه‌ی کورد له تاراوگه کردووه. محییه‌دین پاڵانی ڕاوێژکاری کۆمیته‌ی ناوه‌ندی حیزبی دیموکراتی کوردستانی ئێران له ده‌ره‌وه‌ی وڵات له که‌نه‌دا، دکتۆر مه‌حمود عه‌باس سیاسه‌تکار و جێگری سه‌رۆکی نووسه‌ر و ڕۆژنامه‌وانانی کورد له سوریا بنکه له ته‌کساس، شێخ ئه‌سعه‌د سراجه‌دین نه‌قشبه‌ندی شاعیر و وێژه‌ری پێشووی ڕادیۆی کوردی له ئێران که ئێستا له ئه‌ریزۆنایه هه‌روه‌ها جیهاد ساڵح ڕۆژنامه‌وانی ئازاد له واشنتنی پایته‌ختی وڵاته یه‌کگرتووه‌کان.
ده‌توانن له ڕێی کلیککردنی ئه‌و فایله ده‌نگیانه‌ی سه‌ره‌وه‌ی ده‌سته چه‌پ گوێبیستی ته‌واوی به‌رنامه‌که‌بن که ماوه‌که‌ی 13:54 خوله‌که.
