خانمی بەیان عەتاری، شاخەوانی کورد کە بە هۆی ڕووداوێکی هات و چۆ لە نێو شاری بۆکان گیانی لەدەستدا، ڕۆژی شەممە لە گۆڕستانی ئەو شارە بە خاک سپێردرا.
ئەو شاخەوانە لە پاش ڕووداوەکە تووشی خوێنڕێژی مێشک ببوو، بەڵام پاش چەند ڕۆژی لە نەخۆشخانە و بەربەرەکانی لە گەڵ مەرگدا گیانی لە دەستدا.
لە وتووێژێکی لەگەڵ دەنگی ئەمەریکادا، دیاکۆ مورادی، رۆژنامەنووس لە نۆڕوێژ دەڵێت، خانمی عەتاری ساڵانێکی زۆر چالاکی شاخەوانی بە شێوەیەکی لێهاتووانە دەست پێکرد و توانیبووی بچێتە سەر تروپکی کێوە بەرزە ناسراوەکانی وەک ئارارات، هەڵگورد، عەلەم کوە، دەماوەند و سەبولان.
هەروەها دەشڵێت بەیان خانم کە لە کۆڕی شاخەوانانی هەوراز لە شاری بۆکاندا چالاک بوو بەم دواییانە وەک بەڕێوەبەری ڕێکخستنی ئەو کۆڕە دیاری کرابوو.
دەقی وتووێژەکەی سەلاحی پیرۆتی لەگەڵ دیاکۆ موردای
