چاودێران به گشتی ڕاوبۆچونی جیاوازیان هه‌یه له‌باره‌ی ئه‌م قه‌یرانه سیاسی و حیزبییه‌ی که هه‌رێمی کوردستانی گرتۆته‌وه، به‌تایبه‌تی پرسی سه‌رۆکایه‌تی و گفتوگۆی لایه‌نه جیاوازه‌کان.
بۆ ئه‌م مه‌بسته ئاسۆ جه‌بار گفتگۆیه‌کی گرنگی له‌گه‌ڵ نوسه‌ر و ڕاڤه‌کار ئیسماعیل محه‌مه‌د ئه‌مین ئه‌نجامداوه.
له میانه‌ی ئه‌م گفتۆگۆیادا ئیسماعیل محه‌مه‌د ئه‌مین ده‌ڵێت: "ئێمه له شۆڕشی شێخ مه‌حموده‌وه کۆمه‌ڵگایه‌کت هه‌یه زاخدراوه به بیرکردنه‌وه‌ی خێڵه‌کایه‌تی."
"ئێستاش شتێک نییه پێیبڵێین حکومه‌ت، به‌ڵکه ئه‌وه‌ی له پشت حکومه‌ته‌وه ده‌سوڕێته‌وه دیوه‌خانه‌کانه."
هه‌روه‌ها ده‌ڵێت:
"حیزبه کوردییه‌کان نایانه‌وێت به‌دیل دابنێن بۆ مه‌سعود بارزانی، به‌ڵکو ده‌یانه‌وێت به شێوه‌یه‌ک له شێوه‌کان ئه‌م فۆرمه په‌ره پێبده‌ن.'
