لە مەراسیمێکدا لە شاری سلێمانی پەردە لەسەر پەیکەری تۆ لابرا و یەکێک لە سەرپەرشتیارانی پڕۆژەی پەیکەری تۆ لەبارەی ماهییەت و گرنگی پەیکەرەکە بۆ دەنگی ئەمەریکا دوا.
ساڤان عەبدوڕەحمان، یەکێک لە سەرپەرشتیارانی پڕۆژەی پەیکەری تۆ لە گفتووگۆیەکدا لەگەڵ دەنگی ئەمەریکا باسی لەوە کرد جەستەی پەیکەرەکە ڕەگەز و تەمەنی بۆ دیارینەکراوە و وێنای هەموو تاکێکی کۆمەڵگایە.
باسیشی لەوە کرد چەکوشێک لەنێو سەرێکی زینداندا مانای ئەوەیە تاکەکانی کۆمەڵگا مێشکیان زیندانیکراوە و تەنها خۆیان ئەتوانن خۆیان ئازاد بکەن.
تێچووی ماددی پڕۆژەکە لەلایەن ڕێکخراوی کوردیاوە خرابووە ئەستۆ و ساڤان عەبدوڕەحمان هەنگاوی لەو جۆرەی بە ئاراستەی خزمەتکردنی هونەر بەرز نرخاند.
