دوای ئەوەی پۆلیسی دارستان و ژینگەی سلێمانی لە ١٥ی ٣ ێی ئەمساڵەوە قەدەغەکردنی ڕاوی ماسی ڕاگەیاند، وا بڕیارە لە ١٥ی ٦ەوە وەرزی ڕاوکردنی ماسی دەستپێبکاتەوە.
لە کۆنگرەیەکی ڕۆژنامەوانیدا کە دەنگی ئەمەریکا تێیدا ئامادەبوو، عەمید هێمن کەمەرخان، بەڕێوبەری ڕاگەیاندنی پۆلیسی دارستان و ژینگەی سلێمانی بۆ ڕاگەیاندنەکان دوا و باسی لەوە کرد کە وەرزی ڕاوکردنی ماسی شەوی پێنجشەممە لەسەر هەینی دەستپێدەکاتەوە.
هەروەها وتیشی لە هەموو کاتێکدا چەند شێوازێکی ڕاوی ماسی هەیە قەدەغەیە و ئەنجامدەرانی تووش سزای یاسایی ئەبنەوە وەک ژەهر و کارەبا.
باسی لەوەش کرد ژمارەیەک ڕاوچی دەسگیرکراون کە لە وەرزی ەدەغەکردنی ڕاوی ماسیدا ڕاوییان کردووه و دەستبەسەر ماسیی و کەلوپەلەکانیاندا گیراوە.
ساڵانە و لەپێناو پاراستنی سامانی ماسی بەڕێوەبەرایەتی پۆلیسی دارستان و ژینگەی سلێمانی لە ماوەیەکی دیاریکراودا ماسیگرتن قەدەغە دەکات و ئەنجامدەرانی ڕووبەڕووی سزای یاسایی دەبنەوە.
