دواى بڵاوبوونەوەى هەواڵی ئەوەی کۆمپانياى دانا غاز داواى لە دادگاى فيدراڵى واشنتۆن دى سى لە ئەمەريکا کردووە کە بڕيارێکى دادگاى نێودەوڵەتى لەندەن پشت ڕاست بکاتەوە و حکومەتى هەرێم ناچار بکرێت نزیکەی دوو ملیار دۆلار بداتە کۆمپانياى دانا غاز بەهۆى ئەو ناکۆکيەى نێوانيان سەبارەت بە پەرەسەندنەکانى کێڵگە نەوتيەکانە هەرێم داواى ئەو برە پارەيە دەکات ، لاى خويانەوە لە راگەيەنراوێکدا وەزارەتى سامانە سروشتيەکانى حکومەتى هەريمى کوردستان رايدەگەيەنێت هێشتا ئەم داوايەى کۆمپانياى دانا غاز لە دادگا يەکلايى نەکراوەتەوە، لەمبارەيەوە چەند رۆژنامەنووس و چاڵاکوانێک دەيانويست لە بەردەم ئەنجومەنى وەزيران گردبوونەوە بکەن و تێدا داواى ئاشکراکردنى راست و دروستى ئەم بابەتە بکەن و روونى بکەنەوە کەوا ئەگەر راستە چوون و بە چ شێوازێک و بۆچى بووە بەڵام لە لايەن هێزە ئەمنيەکانەوە بلاوەيان پێکراوە و يەکێک لە رێکخەرانى گردبوونەوەکەش که هێمن مامەند بووە دەستگيرکراوە ، لەمبارەيەوە شێروان شێروانى رێکخەرێکى ئەو گردبوونەوەيە بۆ دەنگى ئەمەريکا باسى رووداوەکە و رێگريەکان دەکات و دەڵێت هێزە ئەمنيەکان پێيان راگەياندين کە ناکريت له هەولێر گردبوونەوە بکەن و ئەگەر هەمووتان لێرە نەچن دەستگيرتان دەکەين ، هەروەها شێروانى دەشڵێت گردبوونەوە مافێکى مەدەنيە و ئێمەش دەمانويست هەندێک لافيتە بەرز بکەينەوە و بڵێين ئايا بەراست حکومەتى هەرێم قەرزدارە يان قومارى کردووە .
هۆگر عەزيز وتەبێژى پۆليسى هەولێر بۆ دەنگى ئەمەريکا لەبارەى دەستگيرکردنى رێکخەرى گردبوونەوەى بەردەم ئەنجومەنى وەزيران دەڵێت ئاگادار نيم چونکە لە ئيجازە بووم .
نياز عەبدوڵڵا وەک خوى دەڵێت لەگەڵ بەرێوەبەرى پۆليسى هەولێر قسەى کردووە و ئەوانيش پێيان راگەياندووە کەوا رێکخەرى ئەو گردبوونەوەيە لاى پۆليسە و دەيبەنە دادگا .
لە بارەى ئەوەى کە ئەم کۆبوونەوە ياخود گردبوونەوە و خوپێشاندانە هيچ مولەتێکى نەبووە بويە هێزە ئەمنيەکانيش رێگريان کردووە و نەيانهێشتووە بەڕێوە بچێت ، شێروان شێروانى دەڵێت ئێمە هێشتا دەستمان بە گردبوونەوە نەکردبوو ئەوان نەيانهێشت و رێکخەرەکەمان دەستگيرکرا و تەنها دەمانويست بەياننامەيەک بخوێنينەوە و چەند لافيتەيەک بەرزبکەينەوە.
بڕيار وابوو رۆژى پێنجشەممە بەشيک لە رۆژنامەنووسان و چاڵاکوانان لە بەردەم سەرۆکايەتى ئەنجومەنى وەزيران ، دژى بەفێرۆدانى سەروەت و سامانى هەرێمى کوردستان و موڵکى گشتى گردبوونەوەيەک ئەنجام بدەن بەڵام لە لايەن هێزە ئەمنيەکانەوە ڕێگريان لێکرا.
