پـێدەچێت دۆخی هەرێمی کوردستان هێوربووبێتەوە، ئەمەش پاش چەند ڕۆژێک لە خۆپیشاندان و ناڕەزایی کە لە هەندێک شوێن توندوتیژییان لێکەوەتەوە و بەهۆیانەوە چەند کەسێک گیانیان لەدەست دا و ژمارەیەک برینداربوون و هەروەها ژمارەیەکیش لە لایەن هێزەکانی ئاسایشەوە دەسـتگیرکران.
عەزیز ڕەئوف نوسەر و لێکۆڵەر لە وتووێژێکدا لەگەڵ هێرۆ زەنگەنە لە بەشی کوردی دەنگی ئەمەریکا لەم بارەیەوە دەڵێت کۆمەڵێک هۆکار بۆ هێوربوونەوەی دۆخەکە هەیە، لەوانە لایەنەکانی ئۆپـۆزسیۆن بەشداری خۆپـیشاندان و ناڕەزایەتیـیەکانیان نەکرد، ئەمەش تاوەکو دۆخەکە نائارامتر نەبێت، وە هەروەها چانسێک بە دۆخێک بدرێت کە بە لایەنی کەم ئاشتی کۆمەڵایەتی تیایدا بەرقەرابێت.
