لە سەرەتای دەستبەکاربوونییەوە ئانۆ جەوھەر، وەزیری گواستنەوە و گەیاندنی ھەرێمی کوردستان چەند بڕیارێکی وەک چاکسازی لە ناو وەزارەتەکەی دەرکرد، یەکێک لە ئەوانە: قەدەغەکردنی مۆبایلی زیرەک و کۆمپیوتەر لە کاتی رایکردنی ئیش و کاری ھاوڵاتییان بوو. لە بارەی ئەمەوە وەزیری گواستنەوە و گەیاندنی ھەرێمی کوردستان گوتی:ئێمە نەمانگوتووە مۆبایلی زیرەک لە فەرمانگەکانی حکومەت قەدەخەیە، بەڵکو دەڵێین: لە کاتی رایکردنی ئیش و کاری ھاوڵاتییان مەرجە فەرمانبەران بۆ کاری تایبەت خەریکی بەکارھێنانی مۆبایل و کۆمپیوتەر نەبن. دەشڵێ: بڕیارەکان تەنیا فەرمانبەری ئاسایی ناگرنەوە، بەڵکو بەڕێوبەرە گشتییەکان و خودی وەزیریش دەگرنەوە.
لە وەڵامی پرسیاری ئەوەی تا چەند فەرمانبەران پابەندی بڕیارەکان دەبن وە ئایا بۆ پابەندنەبووان سزا ھەیە؟ گوتی: لەو باوەڕەداین فەرمانبەران دڵسۆزن و پابەند دەبن، بەڵام سەبارەت بە ئەوانەی کە پابەند نابن بە رێکاری یاسایی مامەڵەیان لەگەڵدا دەکرێت.
تەواوی گوتووێژەکە لەم فایلە دەنگییەی خوارەوە گوێبیست بن.
