ماوەیەکە لە هەرێمی کوردستان باس لە لامەرکەزیەت دەکرێت، بەڵام وەکو هەموو بابەتە سیاسیـیەکانی دیکەی هەرێم ناکۆکیش لەسەر ئەمەش هەیە. هەندێک لایەن ئەم هەنگاوە بە هەوڵێک بۆ دابەشکردنی هەرێم لەقەڵەم دەدەن.
ئایە ئەم شێوەی بەڕێوەبردنە کە بە لامەرکەزیەت ناودێردەکرێت، چۆن دەبێت؟ ئایە لایەنە سیاسیـیەکان لەسەری کۆکن یان نا؟
ئارێز عەبدوڵڵا، ئەندامی سەرکردایەتی یەکێتی نیشتمانی کوردستان و ئەندامی پـێشووی پەرلەمانی عێراق، لە وتووێژێکدا لەگەڵ دەخیل شەممۆ لە بەشی کوردی دەنگی ئەمەریکا وەڵامی ئەم پـرسیارانە دەداتەوە.
دەڵێت لامەرکەزیەت بۆ ئەوەیە دەسەڵاتەکان دابەشبکرێن بەسەر پارێزگاکان و قەزا و ناحیـیەکان، وە مانای ئەوە نیـیە حکومەتی هەرێمی کوردستان بکرێتە چەند حکومەتێک.
