پاش ماوەیەک دابڕانی سیاسی نێوان پارتی و یەکێتی وەک دوو حیزبی دەسەڵات دار لە هەرێمی کوردستان، دواجار جێگری سەرۆکی پارتی دیموکرات نێچیرڤان بارزانی و هاوسەرۆکی یەکێتی نیشتیمانی پاڤێڵ تاڵەبانی لە پیرمام کۆبوونەوە.
کۆبونەوەکان لە کاتێکدایە کە بارودۆخی سیاسی نێوان پارتی و یەکێتی لە ئەوجی خراپیدابوو ، تەنانەت هەڵمەتی راگەیاندنی هەردوو حیزبکە دەستیپێکردبوو، جگە لەوەی یەکێتی باسی لە چەندین بژارەی سیاسی دەکردەوە، تا ئاستی کشانەوە لە حکومەتەکەی مەسرور بارزانی.
ئەو بارگرژییە سیاسییە لە نێوان دوو حیزبدایە کە دەسەڵاتیان بەسەر دوو زۆندا هەیە، پشێوییەکی دەرونیان بۆ خەڵک دروست کردووە، لەکاتێکدا خەڵکی هەرێمەکە بێدادیانە بە دەست بێ موچەیی و خراپ بوونی رەوشی دارایی.
بۆ وتوێژ لە بارەی ئەو کۆبونەوەیە، نوسەرو شیکەرەوەی سیاسی محەمەد نوری پێی وایە هەموو لێک نزیک بونەوەیەکی سیاسی نێوان لایەنەسیاسییەکانی هەرێمی کوردستان گرنگی خۆی هەیە، بەڵام خەڵک لە چاوەڕوانی گۆڕانکاریدایە، وەك دەڵێت "ئەگەر ئەو کۆبوونەوەیە بۆچاککردنی رەوشی خراپی ژیانی خەڵکە مایەی دەست خۆشی کردنە، بەڵام ئەگەر کۆبوونەوەیەکە بۆ دابەش کردنی پێگەو دەسەڵات ودەسکەوتە داراییەکان، لە نێوان پارتی و یەکێتیدا، ئەوا بۆ خەڵک هەر گرنگ نیە و هیچ جیاوازییەکی نابێت، وەک رابردووی لێدێتەوە، کۆبوونەوەلە دوای کۆبوونەوە".
ئەم نووسەر لە وتوێژەکە باس لەوە دەکات کاتی ئەوەیە یە کێتی و پارتی و لایەنەکانی تریش، نارەزایەتی خەڵک بەهەند وەربگرن، محەمەدنوری لەو بارەیەوە دەڵێت "خەڵک لە ئەوجی هەژاریدایەو بێزارییەکانی گەیشتونەتە ئەو ئاستە خراپەی خۆزگە بە سەردەمی سەدام بخوازن،ئەوە چ کارەساتێکە والەخەڵکی خۆت بکەیت، خۆزگە بە دکتاتۆرێک بخوازن کە هەوڵی سڕینەوەتی داوە".
یەکێتی دوو هاوسەرۆکی هەیە، پاڤیڵ تاڵەبانی و لاهور شێخ جەنگی، بەپێی زانیاری میدیاکان، هەروەها ئەم نوسەرەش، سەرۆکی پارتیدیموکرات مەسعود بارزانی، ناخوازێت مامەڵە لەگەڵ لەهوردا بکات، تا چەند ئەو بۆچوونە گرفت لە نێوان ئەو دوو لایەنە دروست دەکات، لەوبارەیەوە
محەمەد نوری دەڵێت "یەکێتی دوو هاوسەرۆکی هەیە، ئەوە ئیرادەو رای ئەندامانی ئەو دوو حیزبەیە، هەموو بڕیارەكانی یەکێتی لایئەو دوو کەسەیە".
