ڕۆژی یه‌کشه‌ممه ئه‌نجوومه‌نی ئاسایشی نه‌ته‌وه ئه‌کگرتووه‌کان که له 15 وڵات پێکهاتووه به تێکڕای ده‌نگ ئۆباڵی قڕکردنه دڕندانه‌ییه‌که‌ی ڕۆژی هه‌ینی له حولا خسته ئه‌ستۆی حکومه‌تی سوریاوه که تێدا زیاتر له 100 که‌س گیانیان له ده‌ستدا که ژماره‌یه‌کی زۆریان منداڵ بوون. به‌ڵام حکومه‌تی به‌شار ئه‌سه‌د له سوریا نکۆڵی له‌وه ده‌کات هێزه چه‌کداره‌کانی له‌و قڕکردنه به‌رپرسیاربن و ئۆباڵه‌که‌ی خسته ئه‌ستۆی "چه‌کداره تیروریسته‌کانه‌وه"
دکتۆر مه‌حموود عه‌باس نووسه‌رو ڕۆژنامه‌وانی کورد بنکه له ولایه‌تی ته‌کساسی وڵاته‌یه‌کگرتووه‌کان له وتووه‌ێژێکدا له گه‌ڵ حه‌یده‌ر که‌ریم تیش ده‌خاته سه‌ر کاریگه‌رێتی هه‌نگاوه‌که‌ی ئه‌نجوومه‌نی ئاسایشی نه‌ته‌وه ئه‌کگرتووه‌کان له‌مه‌ر مه‌حکوم کردنی حکومه‌تی به‌شار ئه‌سه‌د له سوریا له‌سه‌ر کوشتنی هاوڵاتیانی سوری و ده‌ڵێت ئیدانه کردنی حکومه‌تی سوریا که‌ریگه‌رێتییه‌کی ئه‌وتۆی نابێت ئه‌گه‌ر به‌کرده‌وه هه‌نگاو دژی ڕژێمه‌که‌ی به‌شار ئه‌سه‌د نه‌نرێت بۆ ڕێگاگرتن له توندوتیژی زیاتر و ده‌شڵێت روخاندنی ڕژێمی ئه‌سه‌د ته‌نیا ڕێگایه بۆ چاره‌سه‌رکردنی نه‌هامه‌تیه‌کانی گه‌ڵی سوریا.
ده‌توانن گوێبیسـتی ده‌قی گفتوگۆكه بن له ڕێـگه‌ی كلیـكـكردنی ئه‌و فایله ده‌نـگیـیه‌ی سه‌ره‌وه‌ی ده‌سته چه‌پ، ماوه‌كه‌ی 7:56 خوله‌كه.
