فیلمی دکۆمێنتاری نوێی زانیار عۆمرانی مۆستەندساز و دەرهێنەری کورد بە ناونیشانی «دانیشتن باش نییە، من شەڕم دەوێت» ئامادەی بڵاوبوونەوەیە. زانیار لەم دکۆمێنتارە هەفتا دەقەیەدا تیشک دەخاتە سەر ئەو شەڕڤانە بیانیانەی کە پەیوەستی هێزه کوردییەکان بوون و دژی داعێش شەڕ دەکەن.
زانیار لەم داکێومێنتەدا جگە لەوەش هەندێک لە بوارە نەبینراوەکانی ژیانی ڕۆژانەی مرۆڤ لە ڕۆژئاوادا دەخاتە بەرچاوی بینەر. داکێومێنتەکە هەوڵی داوە پارادۆکسەکانی بوونی هاوکاتی دوو باوه‌ری سیاسی و فیکری جیاواز لە بەرەیەکی یەکگرتوودا بۆ شەڕ دژی داعش بەرجستە بکاتەوە.
بۆ ئەم مەبەستە کامێرای زانیار لەگەڵ ئیزدا، شەرڤانی ئاڵمانی بە ڕەگەز توورک و ئەندامی بەرەی مارکسیەکان و هەرەوەها جۆردەن ماتسۆن کریستییەنی کۆماری خوازی ئەمریکی دەکەوێت.
ئیزدا بۆ گەیشتن بە هیوا و خولیاکانی لە پیناو بە دیهێنانی کۆمەڵگایەکی سوسیالیستیدا گەیشتوەتە بەرەکانی شەڕ لە سوریا و جۆردەن کە کریستییەنێکی ئیماندار و پابەند بە پرەنسیپەکانی کۆمەڵگای سەرمایەدارییە تووشی دوودڵییە بووە و نازانێت بگەڕێتەوە بۆلای خوشەویستەکەی لە سوید یان بەردەوام بێت لە شەڕی دژی داعشدا لە بەرەی کوردەکاندا.
بۆ ورگرتنی زانیاری زۆرتر سەبارەت بە ئەم دێکۆمێنتە وتوووێژکمان له‌گه‌ڵ زانیار عۆمرانی ساز داوە.
