وەزیری دەرەوەی هۆڵەندا وۆپکە هوکسترا دەڵێت حکومەتی هۆڵەندا بۆ دووەمین جار لە مانگێکدا باڵیۆزی ئێران لە هۆڵەندا بانگ دەکاتەوە و نیگەرای خۆی دەردەبڕێت دژی لە سێدارەدانی خۆپیشاندەران لە ئێراندا.
هوکسترا وتی " بەهۆی لە سێدارەدانی خراپی خۆپیشاندەرانەوە لە ئێران، بانگی باڵیۆزی ئێران دەکەین بۆ تیشک خستنە سەر نیگەرانی جددیمان و داوا لە وڵاتانی ئەندام لە یەکێتی ئەوروپا دەکەم هەمان شت بکەن."
ڕۆژی شەممە ئێران دوو کەسی دیکەی بە تۆمەتی " کوشتنی ئەندامێکی هێزەکانی ئاسایش لە میانەی خۆپیشاندانەکاندا " لە سێدارەدا.
هوکسترا وتی ئەم کارانەی ئێران تیشک دەخەنە سەر ئەوەی پێویستە یەکێتی ئەوروپا سزای توندتر لەوەی بیری لێکراوەتەوە بسەپێنێت بەسەر ئێراندا.
مانگی ڕابردوو هۆڵەندا بانگی باڵیۆزی ئێرانی کرد لە هاگ و ناڕەزایی دەربڕی دژی لە سێدارەدانی خۆپیشاندەران لەو وڵاتەدا.
سەرچاوە/ ڕۆیتەرز
هۆڵەندا دووبارە بەهۆی لە سێدارەدانەکانەوە بانگی باڵیۆزی ئێران دەکاتەوە
