کرێملن دەڵێت سەرۆکی ڕووسیا ڤلادیمێر پوتن سەبارەت بە ئۆکرانیا پەیوەندییەکی تەلەفونی لەگەڵ سەرۆکی ئەنجومەنی ئەوروپا چاڕڵس مێشێلدا ئەنجامداوە، لەمیانەی پەیوەندییەکەدا پوتن داوای لە یەکێتی ئەوروپا کردووە فشار بخەنە سەر بەرپرسانی کیێڤ تاوەکو ڕێز لە یاسا مرۆییەکان بگرێت.
کرێملن لە بەیاننامەیەکدا وتی لە پەیوەندییە تەلەفونییەکەدا باس لە بارودۆخەکەی ئۆکرانیا کراوە لەڕووی مرۆییەوە و پوتن زانیارییەکانی سەبارەت بە گفتوگۆکانی نێوان ڕووسیا و ئۆکرانیا بە سەرۆکی ئەنجومەنی ئەوروپا چاڕڵس میشێل وتووە.
سەرچاوە/ ڕۆیتەرز
پوتن داوا لە یەکێتی ئەوروپا دەکات فشار بخاتەسەر ئۆکرانیا تاوەکو " ڕێز لە یاسا مرۆییەکان " بگرێت
