ڕۆژی یه‌کشه‌ممه په‌رله‌مانی کوردسـتانی عێراق بڕیاری دا لیژنه‌یه‌ک که له 10 ئه‌ندام په‌رله‌مان پـێـکدێت ڕه‌وانه‌ی ناوچه‌ی بادینان بکرێت تاوه‌کو له نزیکه‌وه ئاگاداری ڕاستی ڕووداوه‌کان بێت و هه‌روه‌ها زیانه‌کان بـبینێت.
سالار مه‌حمود ئه‌ندامی په‌رله‌مانی کوردسـتان که یه‌کێـکه له ئه‌ندامانی لیژنه‌که له گفتوگۆیه‌کدا له‌گه‌ڵ هاوکارمان ده‌خیلی شه‌ممۆ له‌و باره‌یه‌وه ده‌ڵێت ئه‌وان هه‌موو لایه‌نه‌کانیان بینیوه و چوونه‌ته شوێنی ڕووداوه‌کان و ڕاپـۆرتیان له‌سه‌ر ئاماده ده‌که‌ن بۆ دانیشـتنی تایبه‌تی په‌رله‌مان و هه‌وره‌ها ڕای گشـتی. ده‌ڵێت هێشـتا زووه بۆ باسـکردن له ورده‌کاریـیه‌کانی مه‌سه‌له‌که.
پاشـان ده‌ڵێت له سه‌ره‌تای ڕووداوه‌کاندا ده‌رده‌که‌وێت که هاندان له لایه‌ن مه‌لای ئاینیـیه‌وه هه‌بووه، وه ئه‌مه‌ش ئاماژه‌یه‌کی مه‌ترسیداره که له‌و خاڵه‌وه وه‌کو بروسکه‌یه‌ک مه‌سه‌له‌کان بته‌قنه‌وه.
ده‌توانن گوێبیسـتی ده‌قی گفتوگۆكه بن له ڕێـگه‌ی كلیـكـكردنی ئه‌و فایله ده‌نـگیـیانه‌ی سه‌ره‌وه‌ی ده‌سته چه‌پ، ماوه‌كه‌ی 7 خوله‌كه.
