بەرگری مەدەنی سعودیە ڕایگەیاند هێزی ئاسمانی سعودیە بەرپەرچی موشەکێکی حوثییەکانیداوەتەوە کە بە ئاڕاستەی شاری نەجران هەڵیانداوە و لە ئەنجامدا بەهۆی پارچەکانی موشەکەکەوە 26 هاوڵاتی برینداربوون.
کەناڵی مەسیرەی سەر بە حوثیەکان بڵاویکردەوە حوثییەکانی یەمەن موشەکێکی باڵیستیکیان ئاڕاستەی بنکەی سەربازیی پاسەوانانی نیشتیمانی سعودیەیان کردووە لەسەر سنوور.
هاوپەیمانێتی بە ڕابەرایەتی سعودیە ئاماژەی بەوەدا موشەکەکە لە پارێزگای سەعدەی یەمەنەوە هەڵدراوە.
بەپێی هاوپەیمانێتی لە ساڵی 2015 ەوە بەهۆی ئەم جۆرە هێرشانەوە 112 هاوڵاتی مەدەنی کوژراون، سوپای سعودیە بەرپەرچی زۆرینەی ئەم موشەکانە دەداتەوە.
بەرگری مەدەنی سعودیە وتی لەم هێرشەی دواییدا لە نێو بریندارەکاندا دوو منداڵی تێدایە و 11 کەس ڕەوانەی نەخۆشخانەکان کراون.
سەرچاوە/ ڕۆیتەرز