رێكخراوی ئاكیفی ئه‌ڵمانی به هه‌ماهه‌نگی تۆڕی ئافره‌تانی كوردستان و به چاودێری و ئاماده‌بوونی سه‌رۆكی په‌رله‌مانی كوردستان و ژماره‌یه‌ك له وه‌زیره‌كان و ئه‌ندامانی په‌رله‌مانی كوردستان و پارێزگاری هه‌ولێر و نوێنه‌ری رێكخراوه‌كانی ژنان و ئافره‌تان و ژماره‌یه‌كی زۆر له ژنان و فیمینیستان، كۆنفرانسێك به ناوی نا بۆ توندوتیژی له‌ناو خێزان و دژ به ژنان، له شاری هه‌ولێر سازکرا.
شیرین ئامێدی سه‌فیری ئاشتی و سه‌رۆکی تۆڕی یاسایی ئافره‌تانی کوردستان و یه‌کێك له ڕێکخه‌رانی ئه‌و كۆنفرانسه له گفتوگۆیه‌کدا له‌گه‌ڵ هاوکارمان شایان پاشا ئاماژه‌ی به‌وه کرد که‌وا ئامانجی سه‌ره‌كی له به‌ستنی ئه‌م كۆنفرانسه، سوود وه‌رگرتنه له ئه‌زمونی رابردوو، داڕشتنی بنه‌مایه‌كی یاساییه بۆ بنه‌بڕكردن و چاره‌سه‌ر‌كردنی ئه‌و كێشه و توندوتیژییانه‌یه كه رۆژانه ڕووبه‌ڕووی خێزان و ژنان ده‌بنه‌وه له كوردستاندا.
ده‌توانن گوێبیسـتی ده‌قی گفتوگۆکه بن له ڕێـگه‌ی كلیـكـكردنی ئه‌و فایله ده‌نـگیـیانه‌ی سه‌ره‌وه‌ی ده‌سته چه‌پ، ماوه‌كه‌ی6:16 خوله‌كه.
