شاری سلێمانی بە چەندین چالاکی جۆراوجۆر یادی ٤٦ ساڵەی کۆچی حەسەن زیرەکی بەرز ڕاگرت کە خۆی لە سێ چالاکیدا دەبینییەوە.
لەو بارەیەوە بابەکر دڕەیی، بەڕێوبەری گشتی ڕۆشنبیری سلێمانی لە لێدوانێکیدا بۆ دەنگی ئەمەریکا وتی لەسەرەتادا گۆرانییەکی نوێکراوەی حەسەن زیرەکیان بۆ یەکەمجار پەخش کردووە. دواتر پەردەیان لەسەر پەیکەری حەسەن زیرەک لابرد و لە کۆتاییشدا ئاهەنگێکیان بۆ هونەرمەندی کۆچکردوو ڕێکسخت کە چەندین هونەرمەندی ناسراوی کورد تێیدا بەشداربوون، لەوانەش ناسڕی ڕەزازی و مەزهەری خالقی.
لە میانەی چالاکییەکانی بەڕێوبەرایەتی ڕۆشنبیری سلێمانی، هاوڵاتییانی شارەکە بە گەرم و گوڕییەوە پێشوازییان لێکرد و پێکەوە یادی حەسەن زیرەکییان بەرز ڕاگرت.
