شەڕ و پـێکدادان لە دوایـین ناوچەی خەلافەتەکەی داعش لە ڕۆژهەڵاتی باشوری سوریا بەردەوامە و بوونی خەڵکی سیڤیل لەو ناوچەیە کە داعش وەک قەڵغانی مرۆیی بەکاریاندەهێنێت هێشتا گرفتی سەرەکیـیە لە بەردەم هێزەکانی سوریای دیموکرات و فڕۆکەکانی هاوپەیمانان.
لەسەر زەوی و بە تایبەتی لە ڕۆژهەڵاتی باغۆز هێزەکانی سوریای دیموکرات لە شەڕێکی قورسدان لە دژی چەکدارانی داعش و داعشیش لای خۆیەوە بەرگری دەکات و هاوکات فڕۆکەی جەنگی و هێزی تۆپـخانەی هاوپەیمانان شوێنەکانی داعش بۆردوماندەکەن.
عەدنان عەفرین، فەرماندەی مەیدانی هێزەکانی سوریای دیموکرات لە وتووێژێکدا لەگەڵ بەشی کوردی دەنگی ئەمەریکا باس لە دوا پـێشهاتەکان دەکات.
