سەرۆکی ئۆکرانیا ڤلۆدیمیر زێلێنسکی دەڵێت لێکۆڵەرەوانی ئۆکرانیا زیاتر لە 400 تاوانی جەنگییان لەلایەن ڕووسیاوە لە هەرێمی خێرسۆنی باشووری ئۆکرانیا ئاشکرا کردووە، هەروەها تەرمی سەربازان و هاووڵاتیانی مەدەنییان لەو ناوچانەی هەرێمەکە دۆزیوەتەوە کە هێزەکانی ئۆکرانیا لە ژێر دەستی ڕووسیاییەکاندا دەریانهێناون.
زێلێنسکی وتی " لێکۆڵەرەوان تاوەکو ئێستا 400 تاوانی جەنگییان لەلایەن ڕووسیاییەکانەوە تۆمار کردووە. تەرمی هاووڵاتیانی مەدەنی و سەربازەکانیش دۆزراونەتەوە."
وتیشی " ڕێوشوێنەکانی جێگیرکردن و گەڕاندنەوەی یاسا " لە 226 ناوچەی هەرێمەکە بەڕێوەدەچن کە کاریگەرییان لەسەر زیاتر لە 100,000 دانیشتوو هەیە. دەستگیرکردنی سەربازانی ڕووسیا و بەکرێگیراوەکان بەردەوامن.
سەرچاوە/ ڕۆیتەرز
زێلێنسکی: زیاتر لە 400 تاوانی جەنگ لەلایەن ڕووسیاوە لە خێرسۆنی ئازاد کراو تۆمار کراوە
