وەک ئەو کاربەدەستانە ڕایانگەیاند ئەوان پلانیان هەیە کە ژمارە ئەو هیزی پاراستنە بگاتە ٢٥٠٠ سەرباز. ئەم بڕیارەی زیاد کردنی هێزی لەشکری لە دەمێکدایە کە لە مێژووی ئەو ئەیالەتەدا دۆخی ئاوا نەدیتراوە.
لە وتووێژیک لە گەڵ دەنگی ئەمەریکا نژیار فاڕوق، خاوەن پێشەیەک لە شاری مۆرهێد، سەر بە ئەیالەتی مینەسۆتا دەڵێت ئەو پۆلیسەی پیاوە ڕەش پێستەکەی کوشت، خەڵک ١٧ جاران سکاڵایان لێکردبوو کە کردەوەی دژی یاسای ئەنجام داوە و ئەو کەسە کەسێکی ڕەگەز پەرەستە و وەک دەڵێن، "سێوێکی ڕزیو لە ناو سندووقێک [سێو] دا بووە."
ئەو جەخت دەکات کە مافی هەرکەسێکە ناڕەزایەتی خۆی بە شێوەیەکی ئاشتیانە دەرببڕیت، بەڵام هەندێک کەس دەیانەویت لە ئەو دۆخە کەڵکی خراپ وەربگرن و دەستیان کردووە بە سوتاندنی شوێنە گشتییەکان و لە نێویان دا ناوەندەکانی کار و پیشان.
ئەو پێی وایە کردەوەی ئەو جۆرە کەسانە ژیانی خەڵکی دیکە دەخاتە مەترسییەوە.
