حەسەن ڕوحانی سەرۆکی ئێران ڕۆژی یەکشەممە لە میانەی کۆبوونەوەی لەگەڵ ژمارەیەک لە دیپـلۆماتانی وڵاتەکەی وتارێکی پـێشکەشکرد و تیایدا ڕووی دەمی لە سەرۆکی ئەمەریکا کرد و گوتی "یاری بە کلکی شێر مەکە، ئەگەرنا پەشیمان دەبیتەوە."
ئەم لێدوانەی ڕوحانی پاش چەند کاژمێرێک بە توندی لە لایەن دانۆڵد ترامپ سەرۆکی ئەمەریکاوە وەڵامدرایەوە.
سەرۆک ترامپ لەسەر تویتەرەکەی بۆ ڕوحانی نووسی " نەکەی جارێکی دیکە هەڕەشە لە ئەمەریکا بکەیتەوە ئەگەر نا ڕووبەڕووی سزایەک دەبیتەوە کە لە مێژوودا تەنها چەند جارێکی کەم بینراوە."
لەم بارەیەوە دەخیل شەممۆ لە بەشی کوردی دەنگی ئەمەریکا وتووێژی کردووە لەگەڵ مەنسور عەزیزی، بەرپـرسی ڕێکخراوەکانی دەرەوەی حزبی دیموکراتی کوردستانی ئێران لە نەرویژ.
