دوای ئەوەی لە یەکەمین سێ یاریدا لە یارییەکانی ئۆڵۆمپیاددا دۆڕان، هەندێک نیگەرانی هەبوون سەبارەت بە تیمی باسکەی ژنانی ئەمەریکا کە پاڵەوانی ئۆڵۆمپیادی پێشوو بوون.
سیێرا بوردیکی یاریزان لە تیمەکەی ئەمەریکادا وتی " باسکەی ئەمەریکا بە دۆڕان فێر نیە. لەبەرئەوە کاتێک سێ یاری لەسەر یەک دەدۆڕێنیت، وەکو ئەوە وایە کە هەمووان توشی سەرسوڕمان دەبن و دژت دەوەستنەوە."
بەڵام بوردیک و یاریزانەکانی دیکەی تیمەکە دوای دۆڕانییان بەرامبەر ئەڵمانیا و ئازەربایجان و ئوستڕاڵیا، بەردەوام بوون و پێنج یارییان لەسەر یەک بردەوە و گەیشتنە قۆناغی چارەکی کۆتایی یارییەکانی ئۆڵۆمپیادی پاریس و بڕیارە ڕۆژی دووشەممە لەو قۆناغەدا بەرامبەر ئیسپانیا یاری بکەن.
هاوکات ئەڵمانیا و کەنەداش لەو قۆناغەدا ڕووبەڕووی یەکتر دەبنەوە.
سەرچاوە/ AP