سکرتێری گشـتی نه‌ته‌وه یه‌کگرتووه‌کان بان کی مون که له ڕووسیایه، ده‌ڵێت گرنگه ئه‌و گوڕ و تینه‌ی له ئێسـتادا هه‌یه بۆ سـازکردنی کۆنگره‌یه‌کی ئاشـتی بۆ سوریا له مانگی داهاتوودا له ده‌ست نه‌ده‌ین.
بان کی مون ئه‌مڕۆ هه‌ینی به په‌یامنێرانی گوت ئه‌م گوڕ و تینه له ئه‌نجامی وتووێژی ئه‌م دوایـیانه‌ی نێوان جان کێری وه‌زیری ده‌ره‌وه‌ی ئه‌مه‌ریکا و سێرگی لاڤرۆڤ وه‌زیری ده‌ره‌وه‌ی ڕووسیا ده‌سته‌به‌ربووه، بۆیه پـێویسته کاری له‌سه‌ر بکرێت له بری ئه‌وه‌ی له‌ده‌ست بدرێت.
گوتیشی تیمێـکی نه‌ته‌وه یه‌کگرتووه‌کان ئاماده‌یه له هه‌ر کاتێـکدا بڕوات بۆ لێـکۆڵینه‌وه له‌و ئیدیعایانه‌ی ده‌ڵێن حکومه‌تی سه‌رۆکی سوریا به‌شـار ئه‌سه‌د چه‌کی کیمیاوی له دژی سه‌رهه‌ڵـداوان به‌کارده‌هێنێت.
سێرگی لاڤرۆیش لای خۆیه‌وه گوتی هه‌تا زووتر کۆنگره‌یه‌کی نێوده‌وڵه‌تی بۆ ئاشـتی له سوریا سـازبکرێت باشتره. داواشی له سوریا کرد ڕێـگه به لێـکۆڵینه‌وه‌یه‌ک له‌سه‌ر چه‌کی کیمیاوی بدات.
به‌ڕێز بان له ئێسـتادا له هاوینه‌هه‌واری سووچی سه‌ر ده‌ریای ڕه‌شه و بڕیاره له‌وێ له‌گه‌ڵ سه‌رۆکی ڕووسیا ڤلادیمیر پـوتن کۆبـبێته‌وه.
ڕووسیا گوشـار ده‌خات به ئاڕاسته‌ی به‌شـداری پـێـکردنی ئێرانی لایه‌نگری سوریا و عه‌ره‌بسـتانی سعودیـیه هاوپه‌یمانی ڕۆژئاوا له‌و وتووێژانه‌دا، هاوکات ئه‌مه‌ریکاش تاوانبارده‌کات به هه‌وڵدان بۆ که‌مکردنه‌وه‌ی ژماره‌ی به‌شـداربووانی کۆنگره‌که.
له لایه‌کی دیکه‌وه، ئه‌مڕۆ ڕۆژنامه‌ی نیویۆرک تایمز بڵاویکرده‌وه که‌وا ڕووسیا موشه‌کی پـێشـکه‌وتووی کروزی دژه که‌شـتی بۆ سوریا ناردووه. له هه‌مان کاتیشـدا ڕووسیا ده‌ڵێت به لایه‌وه گرنگ نیـیه ئه‌سه‌د له ده‌سه‌ڵاتدا بمێنێته‌وه یان نا.
بان کی مون ئه‌مڕۆ هه‌ینی به په‌یامنێرانی گوت ئه‌م گوڕ و تینه له ئه‌نجامی وتووێژی ئه‌م دوایـیانه‌ی نێوان جان کێری وه‌زیری ده‌ره‌وه‌ی ئه‌مه‌ریکا و سێرگی لاڤرۆڤ وه‌زیری ده‌ره‌وه‌ی ڕووسیا ده‌سته‌به‌ربووه، بۆیه پـێویسته کاری له‌سه‌ر بکرێت له بری ئه‌وه‌ی له‌ده‌ست بدرێت.
گوتیشی تیمێـکی نه‌ته‌وه یه‌کگرتووه‌کان ئاماده‌یه له هه‌ر کاتێـکدا بڕوات بۆ لێـکۆڵینه‌وه له‌و ئیدیعایانه‌ی ده‌ڵێن حکومه‌تی سه‌رۆکی سوریا به‌شـار ئه‌سه‌د چه‌کی کیمیاوی له دژی سه‌رهه‌ڵـداوان به‌کارده‌هێنێت.
سێرگی لاڤرۆیش لای خۆیه‌وه گوتی هه‌تا زووتر کۆنگره‌یه‌کی نێوده‌وڵه‌تی بۆ ئاشـتی له سوریا سـازبکرێت باشتره. داواشی له سوریا کرد ڕێـگه به لێـکۆڵینه‌وه‌یه‌ک له‌سه‌ر چه‌کی کیمیاوی بدات.
به‌ڕێز بان له ئێسـتادا له هاوینه‌هه‌واری سووچی سه‌ر ده‌ریای ڕه‌شه و بڕیاره له‌وێ له‌گه‌ڵ سه‌رۆکی ڕووسیا ڤلادیمیر پـوتن کۆبـبێته‌وه.
ڕووسیا گوشـار ده‌خات به ئاڕاسته‌ی به‌شـداری پـێـکردنی ئێرانی لایه‌نگری سوریا و عه‌ره‌بسـتانی سعودیـیه هاوپه‌یمانی ڕۆژئاوا له‌و وتووێژانه‌دا، هاوکات ئه‌مه‌ریکاش تاوانبارده‌کات به هه‌وڵدان بۆ که‌مکردنه‌وه‌ی ژماره‌ی به‌شـداربووانی کۆنگره‌که.
له لایه‌کی دیکه‌وه، ئه‌مڕۆ ڕۆژنامه‌ی نیویۆرک تایمز بڵاویکرده‌وه که‌وا ڕووسیا موشه‌کی پـێشـکه‌وتووی کروزی دژه که‌شـتی بۆ سوریا ناردووه. له هه‌مان کاتیشـدا ڕووسیا ده‌ڵێت به لایه‌وه گرنگ نیـیه ئه‌سه‌د له ده‌سه‌ڵاتدا بمێنێته‌وه یان نا.