له‌ چه‌ند ته‌قینه‌وه‌ و ته‌قه‌کردنێـکدا له‌ به‌غدا 10 که‌س ده‌کوژرێن

کاربه‌ده‌سـتانی ئاسایشی له‌ عێراق ده‌ڵێن خوکوژێـک ئۆتۆمبیلێـکی بۆمبڕێژکراوی ته‌قاندووه‌ته‌وه به‌ خاڵێـکی پـشـکنینی پـۆلیس‌ له‌ ناوچه‌یه‌یه‌کی باکوری شـاری به‌غدا و له‌ ئاکامدا 6 که‌س کوژراون و 18 که‌سی دیکه‌ برینداربوون.
ته‌قینه‌وه‌که‌ ڕۆژی چوارشه‌ممه‌ له‌ مه‌یدانی عه‌بدولموحسنی ناوچه‌ی کازمیـیه‌ی پـیرۆزی شیعه‌کان ڕوویدا. ده‌ڵێن کوژراوه‌کان بریتین له‌ 3 پـۆلیس و 3 که‌سی سیڤیل.
ناوچه‌ی ئه‌بو غرێبی ڕۆژئاوای به‌غدا، بۆمبێـک له‌ شوێنێـکی بازرگانی ته‌قیوه‌ته‌وه‌ و بووه‌ته‌ مایه‌ی کوژرانی 2 که‌سی سیڤیل و برینداربوونی 3 که‌سی دیکه‌.
ناوچه‌ی حوسه‌ینیـیه‌ی باکوری ڕۆژهه‌ڵاتی به‌غدا، بۆمبێـک که‌ به‌ ئۆتۆمبیلێـکه‌وه‌ لکێنرابوو ته‌قیوه‌ته‌وه‌ و له‌م ته‌قینه‌وه‌یه‌ش که‌سێـک کوژراوه‌ و 3 که‌سی دیکه‌ برینداربوون.
له‌ ناوچه‌ی به‌غداد ئه‌لجه‌دیده‌، پارێزه‌رێـک له‌و کاته‌ی به‌ ئۆتۆمبیله‌که‌ی به‌ ڕێگه‌یه‌کدا تێپه‌ڕده‌بوو ته‌قه‌ی لێـکراوه‌ و کوژراوه‌.
گۆران تۆفیق په‌یامنێری ده‌نگی ئه‌مه‌ریکا له‌ به‌غدا ڕاپـۆرتی له‌ باره‌ی ته‌قینه‌وه‌که‌ی کازمیـیه‌ ناردووه‌.

ڕاپـۆرتی گۆران تۆفیق