ڕاپۆرته‌کان وا ڕاده‌گه‌یه‌نن که‌‌ ڕوسیا 280 لوری یارمه‌تی بۆ ئۆکرانیا ڕه‌وانه‌ کردبێت

میدیای فه‌رمی ڕوسیا ده‌ڵێت کاروانێك له‌ 280 لۆری بارهه‌ڵگری که‌ره‌سته‌ی مرۆیی به‌ره‌و ناوچه‌ی به‌شه‌ڕ هاتووی له‌ خۆرهه‌ڵاتی ئۆکرانیا به‌ڕیوه‌یه‌.

ته‌له‌فزیۆنی ڕوسیا ئه‌مڕۆ سێشه‌ممه‌ گوتیان ئه‌و کاره‌‌ به‌ هاوکاری له‌گه‌ڵ کۆمیته‌ی خاچی سووری نێوده‌وڵه‌تی کراوه‌.

هه‌رچه‌ندیکه‌ ده‌زگای خاچی سوور له‌ به‌یاننامه‌یه‌کدا له‌ ڕۆژی دووشه‌ممه‌دا گوتی هێچ ڕیکه‌وتنێك له‌سه‌ر به‌شداربوونی ڕوسیا نه‌کراوه‌ و گو‌تیان ده‌بیت له‌سه‌ر هێندی وورده‌کاری ڕێكبکه‌ون به‌ر له‌وه‌ی هه‌ڵمه‌تێکی له‌و جۆره‌ ئه‌نجام بدرێت.

جێ باسه‌ هه‌واڵه‌کان واڕاده‌گه‌یه‌نن به‌هه‌زاره‌ها که‌سی ڕوسی زمان له‌ ئۆکرانیا دووچاری که‌موکووری‌ ئاو و کاره‌با و ده‌رمان بۆنه‌ته‌وه‌ ، له‌و شۆینه‌ی هێزه‌کانی ئۆکرانیا شه‌ڕ له‌گه‌ڵ جوداخوازانی سه‌ر به‌ ڕوسیا ده‌که‌ن ئه‌وانه‌ی هه‌وڵ ده‌ده‌ن هه‌رێمێکی ئۆتونۆمی نزێك سنووری ڕۆسیاوه‌ دا‌بمه‌زرینن.