به‌رپرسانی ئیسرائیلی ئه‌مڕۆ یه‌کشه‌ممه داخستنی دوو خاڵی سنورییان له‌گه‌ڵ که‌رتی غه‌ززه هه‌تاکۆ کاتێکی نادیاریکراو ڕاگه‌یاند. هاوکات شیمون پیریز سه‌رۆکی پێشوی ئیسرائیل ڕه‌خنه‌ی له حکومه‌تی بنیامین ناتانیاهۆ گرت و داوای لێکردن نه‌خشه ڕیگه‌یه‌ك بۆ ئاشتی له گه‌ڵ فه‌له‌ستینێکان دابرێژن.
له‌شکری ئیسرائیلی گوتیان هه‌ردوو خاڵه‌کانی په‌ڕینه‌وه‌ی خه‌ڵك و که‌ره‌سته‌کان له ئیریز (به‌یت حه‌نون) و هه‌روه‌ها کیریم شالوم (که‌رم ئه‌بو سالم) تا کاتێکی نادیاریکراو داده‌خرێن وته‌نها به‌ڕۆی یارمه‌تییه مروییه‌کان کراوه ده‌بن. ئه‌م داخستنه دوابه‌دوای هه‌ڵدانی موشه‌ك له که‌رتی غه‌ززه‌وه له ئێواره‌ی ڕۆژی هه‌ینیدا هاتووه.