به‌هۆی ڕووداوه سیاسیه‌کانی عێراقه‌وه ژماره‌یه‌کی زۆر له‌ئاواره‌کانی عه‌ره‌ب ڕوویان له‌هه‌رێمی کوردستان کردوه، له‌ڕووی خزمه‌تگوزاری ته‌ندروستیه‌وه ئه‌مه بۆته کێشه و گرفت بۆ هه‌رێم.
له‌گفتووگۆیه‌کدا بۆ به‌شی کوردی ڕادێۆی ده‌نگی ئه‌مریکا مریه‌م سه‌مد عبدی جێگری سه‌رۆکی لیژنه‌ی ته‌ندروستی په‌رله‌مانی هه‌رێمی کوردستان ده‌ڵێت: له‌کوردستان بیمه‌ی ته‌ندروستی نیه، که سیسته‌مه‌ێکی جیهانیه و سه‌رکه‌ووتوه، ئه‌گه‌ر له‌کوردستان په‌یڕه‌وبکرێت به‌شێکی زۆری کێشه‌کانی نێوان خه‌ڵک و حکومه‌ت چاره‌سه‌ر ده‌بێت.
هه‌روه‌ها ده‌رباره‌ی کێشه‌کانی له‌بواری ته‌ندروستی‌دا هه‌یه ده‌ڵێت: تائێستا له‌هه‌رێمی کوردستان کارمه‌ندان له‌که‌رتی گشتی و له‌که‌رتی تایبه‌ت کارده‌که‌ن، له‌کاتێکدا له‌هه‌مووجیهاندا کارکردن له‌م دوو که‌رته‌دا جیاوازه. ده‌رمان و پێداویستی ته‌ندروستی وه‌ک پێویست له‌حکومه‌تی ناوه‌ندی عێراقه‌وه ناکاته هه‌رێمی کوردستان.
Your browser doesn’t support HTML5
گفتووگۆ له‌گه‌ڵ مریه‌م سه‌مه‌د