ئاگادارتان ده‌که‌ینه‌وه بابه‌تی به‌رنامه‌ی ئه‌م هه‌فته‌یه‌ی ره‌هه‌ندی پێشهاته‌کان(28 مانگ و رۆژی چوارشه‌ممه) ته‌رخانه به پرۆژه‌یه‌کی سه‌ر به وه‌زاره‌تی ده‌ره‌وه‌ی ئه‌مریکا به ئامانجی لێک نزیککردنه‌وه‌ی ئاواره‌کان له‌گه‌ڵ کۆمه‌ڵگای میوان له باکوری عێڕاق. ئه‌م به‌رنامه‌یه ساڵێکه له دهۆک و هه‌ولێر له لایه‌ن رێکخراوی نیۆنه‌ته‌وه‌یی بۆ بوژاندنه‌وه و گه‌شه‌پێدان ده‌ست به جێ به جێ کردنی کراوه و له ناو شتی تر سرنج دراوه‌ته سه‌ر رۆڵی پیاوانی ئایینی بۆ که‌مکردنه‌وه‌ی ململانێ و دروستکردنی ئاشتی کۆمه‌ڵایه‌تی. باشه ئه‌م پرۆژه‌یه ، چه‌نده و چۆن ده‌توانێت باکوری عێڕاق به هه‌رێمی کوردستانه‌وه لێک نزیک بکاته‌و بگه‌ینیته یه‌ک له کاتێک له به‌ره‌کانی پێشووی شه‌ڕ به دژی رێکخراوی ده‌وڵه‌تی ئیسلامی ده‌جه‌نگن؟
ئێوه‌ی به‌ڕێز ده‌توانن راسته‌وخۆ به‌شداری له‌م به‌رنامه‌یه دا بکه‌ن یان به رێگای فێسبوک و تویته‌ری به‌شی کوردی به ناو نیشانی بنیرن.VOAKURDISH