سه‌رۆکه‌کانی فراکسیۆنه‌کان له په‌رله‌مانی هه‌رێمی کوردستانی عێراق ئه‌مڕۆ پێجشه‌ممه کۆبوونه‌وه بۆ تاووتوێ کردنی پرسی ئاماده‌کردنی ده‌ستوری هه‌رێم بۆڕاپرسی.
دکتۆر ڕێواز فایه‌ق، ئه‌ندامی په‌رله‌مانی هه‌رێمی کوردستان ده‌ڵێت له کۆبوونه‌وه‌که‌دا پرسی پێکهێنانی لیژنه‌یه‌کی 21 ئه‌ندامی باسکراوه که ئه‌رکی ئه‌م لیژنه‌یه ئاماده‌کردنی به‌رنوسی ده‌ستوره بۆ ڕیفراندۆم له‌سه‌ری، به‌ڵام وه‌ک ده‌ڵێت تا کاتی ئه‌م وتووێژه‌ش هێشتا فراکسیۆنی زه‌رد (پارتی دیموکراتی کوردستان) ئاماده نییه واژۆی ڕاپۆرتی لیژنه‌ی یاسایی بکات تا پڕۆژه یاساکه بخرێته به‌رده‌م په‌رله‌مانتاران بۆ وتووێژکردن.
له میانه‌ی وتووێژه‌که‌یدا له‌گه‌ڵ به‌ڵێن ساڵح دکتۆر ڕێواز ئاماژه‌ش به‌وه ده‌کات ئه‌وه‌ی تا ئێستا له وتاری لایه‌نه سیاسیه‌کانی هه‌رێمدا ده‌خوێندرێته‌وه ئه‌وه‌یه هاوهه‌ڵوێستیه‌ک هه‌یه (تا ئێستا) تا سیسته‌می سیاسی له هه‌رێمدا سیسته‌مێکی په‌رله‌مانی بێت نه‌ک سه‌رۆکایه‌تی و ده‌ڵێت ته‌نها پارتی دیموکراتی کوردستان نه‌بێت ده‌خوازێت به‌رنوسه‌که‌ی ده‌ستور به‌بێ هیچ گۆڕانکاریه‌ک بخاته ڕیفراندۆمه‌وه.
دکتۆر ڕێواز ده‌ڵێت تا ئێستا سیناریۆکانی پارتی بۆ ده‌ستور و بۆ درێژکردنه‌وه‌ی ماوه‌ی سه‌رۆکایه‌تی نه‌زانراوه و ده‌شڵێت هه‌ر فڕوفێڵ و پینه‌وپه‌ڕۆیه‌ک بۆ ده‌ستکاری کردنی یاساکانی هه‌رێمی کوردستان داڕشتنه‌وه‌یان به شێوه‌ی تایبه‌ت ئه‌وا یانی پێشێلکردنی سه‌روه‌ری یاسا و بێڕێزی کردن به یاسا.
زانیاری زیاتر له ده‌قی وتووێژکه‌که‌دایه:
Your browser doesn’t support HTML5
وتووێژ له‌گه‌ڵ دکتۆر ڕێواز فایه‌ق