کۆماس شه‌هبازی: له‌ ئاگره‌که‌ی قامیشلو 23 که‌س کوژراوون له‌ نێوانیان 11 منداڵ

ئه‌مرۆ له‌سه‌ر ئه‌نجامی ته‌قینه‌وه‌یه‌کدا له‌ ناوه‌ندیه‌کی ته‌ندرووستیدا له‌ شاری قامیشلو به‌لای که‌م 23 که‌س کوژراوون و ده‌یانی تریش بریندار بوونه‌.

Qamishlo Fire

​رۆژنامه‌وان کۆماس شه‌هبازی له‌ شاری قامیشلوه‌وه‌ له‌ هه‌ڤپه‌یڤینێکدا له‌گه‌ڵ به‌شی کوردی ده‌نگی ئه‌مه‌ریکا ده‌ڵێت" ئه‌مرۆ به‌ هۆێ ئاگر تێبه‌ربوونی که‌بسۆلێکی گاز له‌ چێشتخانه‌ی ناوه‌ندیه‌کی ته‌ندرووستیدا له‌ گه‌ره‌کی عه‌نته‌ریه له‌ قامیشلو 23 که‌س کوژراوون که‌ له‌ نێوانیاندا 11 منداڵ بوه‌ و ژماره‌یه‌ک برینداریشی لێ که‌وتوه‌ته‌وه‌ که‌ به‌ هۆێ سوکی برینه‌کانیان ره‌وانه‌ی ماڵ کراوون. کاک کۆماس هه‌ر وه‌ها ده‌ڵێت به‌داخه‌وه‌ ئاگره‌که‌ ئه‌وه‌نده‌ گه‌وره‌ بوه‌ ئه‌و که‌سانه‌ی له‌ نێودا گیریان خواردبوو رێگای ده‌رباز بوونیان نه‌بوه‌، که‌ سێ له‌وانه‌ دکتۆری ناوه‌نده‌که‌ بوونه‌ و هه‌موویان به‌داخه‌وه‌ گیانیان له‌ ده‌ست داوون".

Komas Shahbazi