جارێکی تر تێرۆریستان لە فەڕەنساوە پەیامی خۆیان ناردەوە بۆ هەموو جیهان.
بەلای زۆرێک لە چاودێرانەوە ئەم هێرشانەی لە شاری پاریس کران کاریگەرییەکی نەرێنی دەبن بەسەر ئەو هەوڵە چڕ و پڕانەی بۆ پێداچوونەوە و ڕیکخستنەوەی یاساکانی کۆچبەری دەدرێن.
دکتۆر ئەحمەدی مەلا، نوسەر و لێکۆڵەر هاوڕایە و دەڵێت لە ئەوروپادا بەگشتی لایەن هەن کە ئەم جۆرە ڕووداوانە دەقۆزنەوە تا پیداگری بکەن لەوەی چی دی وڵاتەکانیان بە دەنگ پەنابەرانەوە نەچن و دەشڵێت بێگومان ئەم ڕووداوانە کاریگەرییەکی نەرێنییان دەبێت بەسەر یاساکانی کۆچبەرییەوە لە ئەوروپادا.
لە میانەی وتووێژەکەیدا لەگەڵ بەڵێن ساڵح، دکتۆر ئەحمەدی مەلا ئاماژەش بەوە دەکات پێویستە فەڕەنسا و ئەوروپا و وڵاتە یەکگرتووەکانی ئەمریکاش لەم هەلومەرجەی جیهاندا بە سیاسەتی دەرەوەیی خۆیاندا بچنەوە چونکە وەک دەڵێت ناکرێت چاوپۆشی بکرێت لە وڵاتانی وەکو قەتەر یان عەرەبستانی سعودیە و تەنانەت تورکیاش.
زانیاری زیاتر لە دەقی وتووێژەکەدایە:
Your browser doesn’t support HTML5
وتووێژ لەگەڵ دکتۆر ئەحمەدی مەلا