بەو جۆرەی لێکۆڵەران لێ دەروانن وا دیارە پەیوەندیەکانی نێوان روسیا و تورکیا تا دێت بەرەو بەددتر دەروات وە روسیا لەبەرامبەر خستنە خوارەوەی یەکێک لە جەتەکانی لە تورکیاوە پەنای بردە بەر سزا ئابوریەکان دژ بە تورکیا، ئاخۆ روسیا چ کارتێکی تری بە دەستەوەیە دژ بە تورکیا بە کار بهێنێ؟
هادی سۆفیزادە لێکۆڵەر و ئەندامی کۆنگرەی نەتەوەیی کوردستان لە هەڤپەیڤینێکدا لەگەڵ بەشی کوردی دەنگی ئەمەریکا دەڵێت" سەرەرای زیانەکان لە بواری گەشتبەریدا و هێنانی خواردن، تەنها رێگایەک کە روسیا هەیەتی وەڵامی ئەو پیلان و پاشقولەی تورکیا بداتەوە لە هێنانی نەوت لە رۆژهەڵاتی ناوەراستەوە بەرەو ئەوروپا لە رێگای پرۆژەی لولە نەوتەکانی نابوکۆدا، ئەوەیە یارمەتیدان لە دامەزراندنی وڵاتێکی کوردیدا لە رۆژئاوای کوردستان بەو جۆرەی لە وڵاتی گورجستان دوو کۆمای ئەبخازیا و ئۆسیتیای باشوری لە کاتی خۆێدا درووستکرد.
کاک هادی هەر وەها دەڵێت هەلومەرجی ئێستا وەکو هەلومەرجی دەوارنی شەری جیهانی یەکمە و دەکرێ سوریا بەو دەورانە بەراوورد کرد"
Your browser doesn’t support HTML5
Hadi Sofizadeh