ڕۆژی شه‌ممه پاش شه‌ڕو پێکدادانێکی قورس له نێوان سوپای عێراقی و چه‌كدارانی داعش له گوندی مه‌هانه و نه‌سیر نزیكه‌ی دوو هه‌زار هاووڵاتی عه‌ره‌بی ئه‌م گوندانه له ده‌ست چه‌كدارانی داعش هه‌ڵهاتوون و خویان گه‌یاندۆتە ژێر دەسەڵاتی هێزەکانی پێشمەرگە و له بنكه‌ی وه‌رزش و لاوانی قه‌زای مه‌خمور نیشته‌جێ كراون.
چە‌ند كه‌سێكی هه‌ڵهاتووی ژێر دەسەڵاتی داعش به چاوی پر فرمێسک و گریانه‌وه بە دەنگی ئەمەریکایان ڕاگەیاند کەوسوکاریان هێشتا لە ژێر دەستی داعش ماون هەنێکیان لە کاتی هەڵاتن کوژراون و بریدنار بوون.
ڕزگار محه‌مه‌د قایمقامی قه‌زای مه‌خمور بە ده‌نگی ئه‌مه‌ریكای ڕایگه‌یاند به‌رده‌وام ده‌بن له پێشكەش كردنی هاوكاری و خزمه‌تگوزاری بۆ ئه‌م هاووڵاتیانه‌ی كه خویان گه‌یاندۆته ژێر ده‌سەڵاتی ئەوان و ده‌زگاكانی تری خێرخوازیش به‌رده‌وام خزمه‌تیان ده‌كه‌ن له خواردن و پێداویستیه‌كانی تر.
ژماره‌ی هاووڵاتیانی عه‌ره‌ب به‌رده‌وام له زیادبووندایه به‌هۆی ئه‌و شه‌ر و پێكدادانه‌ی نێوان سوپای عێراق و چه‌كدارانی داعش.
Your browser doesn’t support HTML5
ئەحمەد زێباری