دواى ئه‌وه‌ى پەرلەمانی تورکیا بە زۆرینەی دەنگ بڕیاریدا پارێزبەندی پەرلەمانی لەسەر پەرلەمانتارانی سەر بە پارتی دیموکراتی گەلان (هەدەپه) هه‌ڵبگرێت ناڕه‌زايى ناوخۆيى و ده‌ره‌كى لێكه‌وته‌وه.
ڕۆژى يه‌كشه‌ممه له شارى هه‌ولێر کۆنگرەی نەتەوەیی کوردستان، پرێس كۆنفرانسێكى بۆ پشتيوانى له هەده‌پە سازكرد و داواى له هه‌موو لايه‌ك كرد كه هه‌ڵويستى نیشتمانی و نەتەوەیی بۆ هەدەپە دەرببڕن.
دیمەنێک لە ناو پەرلەمانی تورکیادا
نيلوفه‌ر كۆچ، سه‌رۆكى كۆنگره‌ى نه‌ته‌وه‌يى كوردستان (كه‌نه‌كه) به ده‌نگى ئه‌مه‌ريكاى ڕاگه‌ياند له هه‌ولێر كۆبونه‌وه‌ى ئێمه سه‌ركه‌وتو بووە، زۆرترين ڕه‌نگىسياسى كوردى له‌و كۆبوونه‌وه‌يه‌دا بەشدارییان هه‌بووە و دەشڵێت "ئێمه وه‌ك كه‌نه‌كه ده‌ڵێن كاتى ئه‌وه هاتووه كۆنگره‌ى نه‌ته‌وه‌يى بکرێت و ده‌بێت به به‌رزكردنه‌وه‌ى ده‌نگى خۆيان په‌يام به دوژمنان و داگيركه‌ران بده‌ن و بڵێن كورد هه‌موو يه‌كه."
له‌باره‌ى پشتيوانيكردنى پارته سياسيه‌كانى هه‌رێمى كوردستان له هەده‌پە،هيوا سه‌يد سه‌ليم، ئه‌ندامى مه‌كته‌بى سياسى حيزبى زه‌حمه‌تكێشانى كوردستان بۆ ده‌نگى ئه‌مه‌ريكا گوتى نه‌ريتى پشتيوانيكردن له باكورى كوردستان و به تايبه‌تى هەده‌پە زۆر به گه‌رمى کاری له‌سه‌ر ده‌كرێت.
له پرێس كۆنفرانسىپشتيوانى بۆ هەده‌پە له شارى هه‌ولێر ژماره‌يه‌كى زور له نوێنه‌رانى پارته سياسيه‌كان و چالاكوانانى مه‌ده‌نى و سياسه‌تمه‌دارانى هه‌ر چوار پارچه‌ى كوردستان و چين و توێژى جيا ئاماده‌بوون.
پەیامنێری دەنگی ئەمریکا ئەحمەد زێباری لە کۆنفرانسەکە بوو و زانیاری زیاتر لە دەقی ڕاپۆرتەکەیدایە:
Your browser doesn’t support HTML5
ڕاپۆرتی ئەحمەد زێباری