دیارە چەرخی مێژوو بەرەو پێش دەروات و لە قوناغێکەوە بۆ قوناغێکی باشترمەگە لە وڵاتانی رۆژهەڵاتی ناوەراست نەبێ وە بە تاێبەت ئەو وڵاتانەی پارێزکارەکان دەستیان بەسەردا گرتووە. هه‌ر وه‌ها هەر بەشێکی کوردستان تاێبەتمەندی خۆێ هەیە، ئەگەر بە گشتی لێ بروانین. ئاخۆ چیە هەرە ئاستەنگی سەرەکی لە بەردەم گەشەکردنی بزوتنەوەکانی ژنان لە کوردستان؟ ئایا ئاێین فاکتەرێکی سەرەکیە؟ ژنان لە سایەی سیستمێکی سیکولاردا زۆرتر ئازادن یان لە سایەی سیستمێکدا کە ئاێین رۆڵێکی گرنگ لە ژیانی مرۆڤەکاندا دەبێنێ؟ پارتە رامیاریەکان چ رۆڵێکیان هەبوە یان هەیە لە پێش خستن وە یا پاش خستنی رەورەوەی ژیانی ژنان؟
INTERNATIONAL WOMEN DAY IN DIYARBAKIR
شلێر بابپیری چالاکی کاروباری ژنان لە هەڤپەیڤینێکدا لەگەڵ بەشی کوردی دەنگی ئەمەریکا دەڵێت " سەرەتا پێیم باشه ئه‌وه بڵێیم که به‌داخه‌وه ئێــمه زۆربه‌ی چالاکیه‌کانمان ته‌نیا وابه‌سته کردووه به یه‌ک رۆژ که رۆژی جیهانی ژنانه، به‌ڵام پێیم وایه پرسی ژنی کورد پێویستی به‌وه‌یه که هه‌موو رۆژێك بۆ ئه‌و 8 ی مارس بێ، چونکه ئێـمه تا بڵه‌ی ده‌ستکه‌ته‌کانمان لاوازه وه تراژیدیاکانمان له پرسی ژناندا زیاتره، بۆیه ئه‌توانم بلێیم ئه‌و ئاسته‌نگانه‌ی که له‌به‌رده‌م پرسی ژنی کوردا ته‌نیا ئاسته‌نگێک نیین به‌ڵکو ئاسته‌نگه‌کان زۆرن".
شلێڕ خانم هه‌ر وه‌ها ده‌ڵێت " یه‌کێك له ئاسته‌نگی سه‌ره‌کیوه به‌رچاویش که تێدا پرسی ژنی کورد تا ئێستا نه‌یتوانیوه هه‌نگاوێکی باش هه‌ڵبنێته‌وه په‌رش و بڵاوی پرسه‌که و وه هه‌ر وه‌ها تیۆریزه نه‌بوونی پرسی ژنی کورد وه له هه‌مان کاتیشدا لاوازی فیکری له باره‌ی ئه‌وه‌ی گۆڕانکاری له پرسی ژنی کوردا بکرێت له دۆخێکه‌وه بۆ دۆخێکی که باشتر بکرێت".
شلێر خانم ده‌شڵێت " بێگومان بوێری، زیره‌کی وه چاو نه‌ترسی ئه‌و ژنانه به تاێبه‌تی له رۆژئاوای کوردستان که جه‌رقه‌که‌ی له کۆبانیه‌وه لێدا له هیچ کاتێکدا نکۆڵی لێ ناکرێت وه زۆر زۆر جێگای شانازیشن وه له ئاستی جیهاندا روویه‌کی دیکه‌یان وه یاخود ده‌سکه‌وتێکی تر بۆ ژنانی کوردیان له ئاستی جیهانیدا تۆمار کرد به تاێبه‌ت به‌رامبه‌ر به دڕنده‌ترین ده‌سه‌ڵاتی دژه ژنی که داعشه".
Your browser doesn’t support HTML5
INTERVIEW WITH Shler Bapiri